ബെംഗളൂരു∙ ദൈവ വചനമാണ് ശുശ്രൂഷയുടെ അടിസ്ഥാനമെന്ന് ഇവൻജലിസ്റ്റ് സാജു മാത്യു പറഞ്ഞു. ഇന്ത്യാ പെന്തക്കോസ്ത് ദൈവസഭ (ഐപിസി) കർണാടക സ്റ്റേറ്റ് ശുശ്രൂഷക സമ്മേളനത്തിന്റെ സമാപനദിനത്തിൽ പ്രഭാഷണം നടത്തുകയായിരുന്നു അദ്ദേഹം. പാസ്റ്റർ വർഗീസ് മാത്യു അധ്യക്ഷത വഹിച്ചു. തിരുവത്താഴ ശുശ്രൂഷയ്ക്കു പാസ്റ്റർ ടി.ഡി.തോമസ് നേതൃത്വം നൽകി.
പാസ്റ്റർ കെ.എസ്.ജോസഫ് സമാപന സന്ദേശം നൽകി. ഷിബു കെ.മത്തായി ഗാനശുശ്രൂഷ നിർവഹിച്ചു. മൂന്നു ദിവസമായി നടന്ന സമ്മേളനത്തിന്റെ വിവിധ സെഷനുകളിൽ ഡോ. ഇടിചെറിയ നൈനാൻ, പാസ്റ്റർമാരായ പോൾ വർക്കി, രാജൻ ജോൺ, കെ.വി.ജോസ്, വി.ഡി.ജോൺ, എ.വൈ. ബാബു, കെ.പി.ജേക്കബ്, ഡോ. വർഗീസ് ഫിലിപ്പ്, ഡോ. ഏബ്രഹാം മാത്യു എന്നിവർ പ്രസംഗിച്ചു.
